85. NGA MMAZEEKO OLUGENDO LWANGE (When I Get To The End of The Way) C

Ebigere bya Yesu mu musenyu,
Tebikyaliwo e Ggaliraaya,
N’eddoboozi Lye eryaziyiza emiyaga,
Terikyawulirwa mu Buyudaaya.
Naye ekkubo ly’Omuggaliraaya Oyo
Naalikwata n’essanyu leero.
Okulumwa kwe mpitamu sirikuwulira,
Nga mmazeeko olugendo lwange,
Okulumwa kwe mpitamu sirikuwulira,
Nga mmazeeko olugendo lwange.

Waliwo obusozi bungi obw’okulinnya,
Naye nnindirira okuwummula,
Naye Oyo annondera ekkubo mwe mpita,
Amanyi ekinnanyamba mu byonna.
Mmanyi ekigambo kye yasuubiza
Nti “alimpa amaanyi nga ag’olunaku Lwe.”
Okulumwa kwe mpitamu sirikuwulira,
Nga mmazeeko olugendo lwange,
Okulumwa kwe mpitamu sirikuwulira,
Nga mmazeeko olugendo lwange.

Anjagala era Tayinza kundekera
Okugezesebwa kwe sisobola,
Abantu be bonna Yabagula n’omuwendo,
Setaani tayinza kubatwala.
Lumu nnaamulaba mutendereze,
Mu kibuga eky’emirembe,
Okulumwa kwe mpitamu sirikuwulira,
Nga mmazeeko olugendo lwange,
Okulumwa kwe mpitamu sirikuwulira,
Nga mmazeeko olugendo lwange,

Bwe ndiba nkomekkereza olugendo,
Ne ndaba enzigi z’ekibuga ekyo,
N’ennyimba ennungi za Bamalayika eyo
Zirinzijira mu matu gange.
Ebyo byonna kati ebiringa ebyaama
Biritegeerekeka kw’olwo.
Okulumwa kwe mpitamu sirikuwulira,
Nga mmazeeko olugendo lwange,
Okulumwa kwe mpitamu sirikuwulira,
Nga mmazeeko olugendo lwange.