Simanyi lwaki Yansaasira nze;
N’ekisa Kye eky’ekitalo!
Yannunula nze atasaanira;
Lwa kwagala Kwe Ye yekka.
Chorus
Mmanyi Oyo gwe nnakkiriza,
Era ntegedde Ye ng’Ayinza,
Okukuuma kye nnamuteresa,
Yesu bwaliba ng’azze.
Simanyi okukkiriza kuno,
Okulokola, kwe Yampa,
Newankubadde Ekigambo Kye
Ekyampummuza mu mutima.
Simanyi Omwoyo nga bw’Alokola,
Ng’Alumiriza ekibi;
N’Abikkula Yesu mu Kigambo,
Ne nnyinza okumwesiga!
Simanyi birungi oba bibi,
Ebirintuukako mu maaso;
Oba bya ssanyu oba bya nnaku;
Nga tetunnalabagana.
Simanyi Mukama w’Alijjira,
Oba ttuntu, oba kiro,
Oba ndiyita mu kufa na Ye,
Oba mmusanga mu bbanga.