Naloota olunaku olw’omusango,
Nga luzze, n’akagombe kavuze;
Ne ndoota nga amawnga gakungaanye,
Mu maaso ge entebe enjeru;
Malayika naava ku ntebe,
Nayimirira ku nnyanja n’ensi,
Nalayira n’omukono Gwe
Nti ekiseera kiweddeyo.
Chorus
Okukaaba n’okulaajana kwava,
Eri abasingiddwa omusango;
Ne bakaabira ensozi n’enjazi,
Naye nga tekyali budde.
Omugagga yaliyo, n’esente ze
Zaali zisaanuuse zonna,
Nga omwavu yali mu Musango eyo,
Nga alina amabanja mangi;
N’owekitiibwa yaliwo naye,
Okufa kwajjawo ekitiibwa,
Bwe yanoonyezebwamu kitabo
Ye ne ekitiibwa byabula.
Nnamwandu ne bamulekwa bajja,
Katonda n’abasaasira;
N’abawa eggulu omutali nnaku,
N’Abasangula amaziga;
Owa zzaala n’omutamiivu,
N’eyabaguza ak’okunywa,
N’abantu abaamuwa olukusa,
Bonna baagwa mu muliro.
N’owempisa obuyisa naye yajja,
Obulungi bwe nga temuli;
N’abo abakomerera Yesu,
Baali mu ttuluba limu;
N’emmeeme eyagaana obulokozi,
“Si leero; ndirokoka edda,
Nze sirina kiseera ky’ebyo kati!”
Ku nkomerero ne bafa.